لاہور: لاہور میں تعمیراتی کمپنی نےچیمپئنز ٹرافی 2025 کی تیاریوں کے لیے قذافی اسٹیڈیم کی مرکزی بلڈنگ مکمل طور پر گرادی ہے۔
میڈیا رپورٹس کے مطابق چیئرمین پی سی بی محسن نقوی کی ہدایت پر 2 شفٹوں میں کام کیا جارہا ہے، آئندہ سال پاکستان میں ہونیوالی چیمپئنز ٹرافی کے حوالے سے لاہور میں تیاریاں جاری ہیں، عمارت کا ملبہ اٹھانے کا کام بھی تیزی سے جاری ہے۔
واضح رہے کہ آئی سی سی وفود پاکستان آکر انتظامات کا جائزہ لے چکے ہیں، قذافی اسٹیڈیم کے علاوہ دیگر شہروں میں بھی کرکٹ اسٹیڈیمز کی اپ گریڈیشن کا کام جاری ہے،ٹورنامنٹ 19 فروری سے 9 مارچ تک کراچی،لاہور اور پنڈی میں کھیلا جائے گا۔
