کراچی:جرمن قونصل خانے کو غیر یورپی شہریوں کے لیے بند کردیا گیا۔
نجی ٹی وی کی رپورٹ کے مطابق کراچی میں جرمنی کے قونصل خانے کو سیکورٹی خدشات کی بنیاد پر غیر یورپی باشندوں کے لیے بند کردیا گیا ہے۔
قونصل خانے کی جانب سے سماجی رابطوں کے پلیٹ فارم پر باقاعدہ اعلامیہ جاری کردیا گیا ہے، جس میں کہا گیا ہے کہ کراچی میں جرمن قونصل خانہ سیکورٹی خدشات کے پیش نظر غیریورپی شہریوں کے لیے بند کیا گیا ہے۔
اعلامیہ کے مطاق جن پاکستانی شہریوں کو ویزہ جاری کیا جا چکا ہے وہ اپنا ویزہ قونصل خانے سے حاصل کر سکتے ہیں۔ قونصل خانہ تاحکم ثانی غیریورپی شہریوں کے لیے بند رہے گا۔
