لاہور (نمائندہ جسارت) لاہور ہائی کورٹ نے سابق وزیراعلیٰ پنجاب چودھری پرویز الٰہی، زارا الٰہی اور راسخ الٰہی کے نام پاسپورٹ کنٹرول لسٹ سے نکالنے کا حکم دے دیا۔ لاہور ہائی کورٹ کے جسٹس شمس محمود مرزا نے درخواست پر فیصلہ سنایا، دائر درخواست میں موقف اختیار کیا گیا تھا کہ وفاقی حکومت نے پرویز الٰہی، زارا الٰہی کا نام غیر قانونی طور پر پی سی ایل میں شامل کیا ہے۔ درخواست میں استدعا کی گئی کہ لاہور ہائی کورٹ پرویز الٰہی کا نام پاسپورٹ کنٹرول لسٹ سے نکالنے کا حکم دے۔
