واشنگٹن (انٹرنیشنل ڈیسک) ہیروشیما پر امریکی ایٹم بم حملے میں تابکاری کا شکار ہوکر مرنے والی لڑکی کا مجسمہ امریکا کے پارک سے غائب ہو گیا ۔ پولیس نے واقعے کو چوری قرار دے کر تفتیش شروع کردی ہے۔ ذرائع ابلاغ کا کہنا ہے کہ ساساکی ساداکو کا مجسمہ سیاٹل کے امن پارک سے غائب پایا گیا اور اس کے صرف پاؤں باقی تھے۔ ممکنہ طور پر مجسمے کو تانبے کی بڑھتی ہوئی قیمت کی وجہ سے نشانہ بنایا گیا۔ یاد رہے کہ ساداکو 12 سال کی عمر میں دماغ کے سرطان سے ہلاک ہوگئی تھی۔ 2003 ء میںکسی نے مجسمہ کا دایاں بازو کاٹ دیا تھا،جس کے بعد جاپان اور امریکا میں فنڈ جمع کرکے اسے 8ماہ بعد ٹھیک کیا گیا تھا۔
