کراچی: پاکستان اسٹاک ایکسچینج میں زبردست ریکارڈ تیزی کے بعد کاروباری ہفتے کے آخری روز شدید مندی کا رجحان دیکھا جا رہا ہے۔
کاروباری ہفتے کے آخری روز اسٹاک ایکسچینج میں کاروبار کے آغاز پر منفی رجحان دیکھا گیا، ٹریڈنگ سیشن کے دوران 100 انڈیکس 1098 پوائنٹس کی کمی کے ساتھ 81,000 پوائنٹس کی سطح سے نیچے چلا گیا۔
اسٹاک مارکیٹ میں کمی کے بعد 100 انڈیکس 80,740 پوائنٹس کی سطح پر ٹریڈ کر رہا ہے۔
واضح رہے کہ گزشتہ روز محرم کی دو روزہ تعطیلات کے بعد اسٹاک مارکیٹ میں کاروبار کے آغاز سے ہی تیزی کا رجحان رہا۔ 100 انڈیکس 676 پوائنٹس کے اضافے سے 81,839 پوائنٹس پر بند ہوا۔
