اسلام آباد ( آن لائن ) آئی ایم ایف نے کہا ہے کہ خطے کے دیگر ممالک کی نسبت پاکستان برآمدات بڑھانے میں انتہائی کمزور ملک ہے۔ برآمدات بڑھانے کے لیے مقامی صنعت کی پیداوار میں مزید ویلیو ایڈیشن کی ضرورت ہے،جدید ٹیکنالوجی کو اپنانا ہو گا۔ عالمی مالیاتی فنڈ نے اپنی رپورٹ میں کہا کہ ادائیگیوں پر پابندی، درآمدات کے لیے ٹیرف اور نان
ٹیرف رکاوٹیں، ایکسچینج ریٹ پاکستان کی کم برآمدات کی بنیادی وجوہات ہیں۔ پاکستان کو برآمدات و درآمدات کے لیے عالمی مارکیٹ میں مقابلے کے رجحان کو دیکھنا چاہیے۔ آئی ایم ایف کی جانب سے کہا گیا کہ پاکستان کو ٹیکسٹائل، ایگریکلچر پراڈکٹس کے علاوہ دیگر شعبوں کی برآمدات بڑھانا ہوں گی۔دوسری جانب ذرائع وزارت تجارت کی جانب سے کہا کہ آئی ایم ایف نے برآمدات بڑھانے کے لیے معاشی ٹیم سے پلان طلب کر لیا ہے۔
