نئی دہلی (انٹرنیشنل ڈیسک) بھارت کی مغربی ریاست مہاراشٹر اور گجرات میں طوفانی بارش نے تباہی مچادی۔ بھارتی میڈیا کے مطابق مون سون بارش کے بعد ممبئی میں میٹروپولیٹن انتظامیہ نے اورنج الرٹ جاری کردیا، جب کہ مختلف حادثات میں 6 افراد ہلاک ہو گئے۔ ممبئی اور پونا میں بیشتر علاقے زیرآب آگئے ، سڑکیں تالاب بن گئیں اور عمارتوں شدیدمتاثر ہوئیں۔ بارش کے باعث گاڑیاں مکمل طور پر پانی میں ڈوب گئیں اور سیکڑوں افراد پانی میں پھنس گئے۔ کئی ایئر لائنوں نے ممبئی کی پروازیں منسوخ کردیں،جب کہ ممبئی ائرپورٹ پر بھی فضائی آپریشن معطل کردیا گیا۔
