اسلام آباد: پاکستان انٹرنیشنل ایئرلائن نے ٹورنٹو سے پاکستان جانے والی پروازوں پر خصوصی رعایت کا اعلان کردیا۔ یہ خصوصی رعایت پاکستان کے یوم آزادی کے حوالے سے کی گئی ہے۔
پی آئی اے حکام کی جانب سے جاری کردہ نوٹیفکیشن کےمطابق یہ پیشکش 14 اگست تک کارآمد ہے، جہاں مسافر 14 فیصد تک رعایت حاصل کر سکتے ہیں ۔
اس مدت کے دوران بکنگ کرنے والے مسافر 15 اگست سے 14 نومبر تک کی پیشکش سے لطف اندوز ہو سکتے ہیں۔
پاکستان انٹرنیشنل ایئرلائن کو امید ہے کہ یہ رعایت مسافروں کی طرف سے اچھی طرح سے حاصل کی جائے گی اور یوم آزادی کے جشن کے جذبے میں حصہ ڈالے گی۔
حال ہی میں، قومی ایئر لائن نے عیدالفطر پر مسافروں کو رعایت کی پیشکش کی تھی، اپریل میں اندرون ملک پروازوں کے کرایوں میں بھی 10 فیصد کمی کی تھی۔
یہاں یہ بات قابل ذکر ہے کہ رواں ماہ 14 تاریخ کو پاکستان اپنا 77 واں یوم آزادی منائے گا۔
