فرانس کے حکام نے بتایا ہے کہ پیرس اولمپکس کے دوران متعلقہ سسٹمز پر 140 سائبر حملے کیے گئے تاہم کوئی بھی حملہ مقابلوں میں گڑبڑ پیدا کرنے میں ناکام رہا۔
حکام کا کہنا ہے کہ 119 سائبر حملے معمعولی یا پست نوعیت کے تھے جبکہ 22 حملے بڑے پیمانے کے تھے جنہیں ناکام بنانے پر متعلقہ ماہرین نے پوری توجہ دی اور کامیاب رہے۔
26 جولائی سے 11 اگست کے دوران کیے جانے والے سائبر حملوں میں اولمپک سسٹمز تو محفوظ رہے تاہم پیرس بھر میں پھیلے ہوئے عجائب گھر زد میں آئے۔ سائبر حملے کرنے والوں نے کھیلوں، ٹرانسپورٹ اور ٹیلی کام کے بنیادی ڈھانچے کو نشانہ بنایا۔
فرانسیسی خبر رساں ادارے اینسی کا کہنا ہے کہ پیرس اولمپکس کے میزبان دی گرینڈ پیلائیز اور شہر کے دیگر 40 عجائب گھر سائبر حملوں کی زد میں آئے تاہم اولمپینز کے لیے تیار کیا جانے والا انفارمیشن سسٹم مکمل محفوظ رہا۔
