کوئٹہ: بلوچستان میں بارشوں اور سیلابی ریلوں سے مزید 3 افراد جاں بحق ہو گئے جس کے بعد یکم جولائی سے اب تک اموات کی تعداد 19 ہوگئی ہے۔
اس کے علاوہ بلوچستان میں سیلابی صورتحال کی وجہ سے رابطہ سڑکیں بہہ گئیں، مقامی ڈرائیور نے جان پر کھیل کر کولک ندی میں پھنسی گاڑی میں سوار خواتین اور بچے سمیت 7 افراد کو ریسکیو کیا۔
ادھر نوشکی اوربیلہ میں سیلابی ریلوں سے درجنوں دیہاتوں کا رابطہ منقطع ہوگیا اور فصلوں کا شدید نقصان پہنچا۔
