سپر ہائی وے نیو سبزی منڈی کے قریب نامعلوم گاڑی کی ٹکر سے راہگیر جاں بحق ہوگیا۔
سپر ہائی وے نیو سبزی منڈی گیٹ نمبر 2 کے قریب ٹریفک حادثے میں ایک شخص جاں بحق ہوگیا جس کی لاش چھپیا کے رضا کاروں نے ضابطے کی کارروائی کے لیے عباسی شہید اسپتال پہنچائی۔
ریسکیو حکام کے مطابق متوفی راہگیر تھا جسے نامعلوم گاڑی نے ٹکر ماری تھی جبکہ فوری طور پر متوفی کی شناخت نہیں ہوسکی، تاہم اس کی عمر 50 سال کے قریب بتائی جارہی ہے۔
پولیس واقعہ سے متعلق مزید تحقیقات کر رہی ہے۔
