ڈوڈوما (انٹرنیشنل ڈیسک) شاہ سلمان انسانی امدادی مرکز نے تنزانیہ کے شہر دارالسلام میں بچوں کے لیے اوپن ہارٹ سرجری اور کیتھیٹرائزیشن کے لیے رضاکارانہ طبی منصوبے کا آغاز کردیا، جو 15 ستمبر تک جاری رہے گا۔ اب تک مرکز کی رضاکارانہ طبی ٹیم نے 5 اوپن ہارٹ سرجریزاور 45 کارڈیک کیتھیٹرائزیشن کی ہیں، جو سب کامیاب رہے۔ یہ رضاکارانہ طبی منصوبوں کی توسیع کے طور پر سامنے آیا ہے جو سعودی عرب کی طرف سے اس کے انسانی ہمدردی کے ادارے شاہ سلمان ریلیف سنٹر کے ذریعے فراہم کیے گئے ہیں۔
