ایڈنبرگ (انٹرنیشنل ڈیسک) سائنس دانوں نے اگلی دہائی میں میتھین گیس خارج کرنے والے ایک لاکھ سے زائد قدرتی کنویں سیل کرنے کا منصوبوں بنالیا ۔ ایڈنبرگ یونیورسٹی کے محققین کا کہنا ہے کہ اس اقدام کا مقصد لاکھوں ٹن گرین ہاؤس گیسوں کے اخراج کو روکنا ہے۔ یونیورسٹی سے متصل ایک کلین ٹیکنالوجی کمپنی راکٹ نے اپنے منصوبے میں پیش گوئی کی ہے کہ اس تکنیک سے ہزاروں سالوں تک زہریلی گرین ہاؤس گیسوں کو زیر زمین گہرائی میں بند کیا جاسکتا ہے۔ راکٹ کمپنی کے اس منصوبے کو اسکاٹش انٹرپرائز کے ہائی گروتھ اسپن آؤٹ پروگرام میں قبول کر لیا گیا ہے ۔
