کراچی ( اسپورٹس رپورٹر) پی سی بی سینئر انٹر ڈسٹرکٹ کرکٹ ٹورنامنٹ کراچی ریجن کے چوتھے راؤنڈ میں مزید2 میچوں کے فیصلے ہوگئے۔ پہلے میچ میں زون3 نے زون 2 کو 116 رنز سے جبکہ دوسرے میچ میں زون 4 نے زون ایک کو 166 رنز سے شکست دیدی۔ آر ایل سی اے گراؤنڈ گلبرگ پر زون3 نے پہلے بیٹنگ کرتے ہوئے پہلی اننگز میں 208 رنز 40 اوورز میں بنا کر آئوٹ ہوگئی۔ ملک زرار نے 70،سمیع اللہ آفریدی 48 عاشر انصاری 39،شاہ زیب نے 32 رنز بنائے علی شنواری نے تباہ کن بولنگ کرتے ہوئے 6 وکٹیں عمر اعجاز اور بصیر شاہ نے 2,2 کھلاڑیوں کو آؤٹ کیا۔ جواب میں زون2 کی ٹیم پہلی اننگز میں 144 رنز بناکر آئوٹ ہوگئی۔
