اسلام آباد: سینیٹر فیصل واوڈا نے کہا ہے کہ آج ملک میں جو سرمایہ کاری آرہی ہے، ملک ٹریک پر آگیا ہے کا کریڈٹ جمہوری نظام نہیں ، فوج کا ہے ، آئی پی پیز نے عوام کا خون چوسا ، یہ پرانے سیاستدانوں اور بچوں کے ہیں۔
فیصل واوڈا کا کہنا تھا کہ ملک کو تباہی کے دہانے پر پہنچانے والے کس منہ سے جمہوریت کی بات کرتے ہیں؟ سیاست اور سیاستدان اس ڈگر پر آچکے ہیں جب آپ اپنی چیزیں بیچنے کیلئے تیار ہوں، پھر ملک ، سلامتی اور جمہوریت کی بکواس کرہی نہیں سکتے۔ یہ باتیں انہوں نے ایک نجی ٹی وی سے گفتگو کرتے ہوئے کہیں۔
ان کا کہنا تھا کہ آئی پی پیز نے عوام کا خون چوسا ، یہ پرانے سیاستدانوں اور بچوں کے ہیں، ملک کو تباہی کے دہانے پر پہنچانے والے کس منہ سے جمہوریت کی بات کرتے ہیں؟ کیا کبھی کسی نے نظام بہترکرنے کی بات کی؟ یہ سب بات کرتے ہیں لیکن کبھی کسی نے بہتری کی بات کی؟اس نظام کی اگر بات کروں تو میری ایک کروڑ سے 10 کروڑ تک بولی لگا دیں۔
