اسلام آباد کی سیشن عدالت نے چیئرمین پی ٹی آئی عمران خان کی بہنیں علیمہ خان اور عظمیٰ خان کو ایک روزہ جسمانی ریمانڈ پر پولیس کے حوالے کرنے کا حکم دیا ہے۔
دو روز قبل اسلام آباد سے گرفتار ہونے والی علیمہ اور عظمیٰ کو آج ڈسٹرکٹ اینڈ سیشن عدالت میں پیش کیا گیا، جہاں عدالت نے دونوں کو مزید تفتیش کے لیے ایک روزہ جسمانی ریمانڈ پر پولیس کے سپرد کر دیا۔
اس کے ساتھ ہی عدالت نے سابق اسپیکر قومی اسمبلی اسد قیصر کے بھائی عدنان خان کو بھی ایک روزہ جسمانی ریمانڈ پر پولیس کے حوالے کرنے کا حکم دیا۔
ڈیوٹی جج نے ہدایت کی کہ علیمہ خان، عظمیٰ خان اور دیگر ملزمان کو کل انسدادِ دہشت گردی عدالت میں پیش کیا جائے۔
یاد رہے کہ علیمہ اور عظمیٰ کو دو دن قبل اسلام آباد کے ڈی چوک سے پولیس نے گرفتار کیا تھا۔
