واشنگٹن(انٹرنیشنل ڈیسک) امریکی وزیردفاع لائیڈ آسٹن نے کہا ہے کہ امریکی بی 2 بمبار طیاروں نے یمن میں حوثی باغیوں کے اسلحہ کے زیر زمین ذخیروں پر بمباری کی ہے۔ فضائیہ کے بی2 اسٹیلتھ بمبار طیاروں نے زیر زمین ہتھیاروں کے ذخیرہ کرنے والے 5 مقامات کوبالکل ٹھیک نشانہ بنایا، جس کا استعمال حوثیوں نے علاقے میں سویلین اور فوجی بحری جہازوں کو نشانہ بنانے کے لیے کیا تھا۔ لائیڈ آسٹن کے مطابق حوثیوں نے ان ذخیروں کو زمین کے اندر گہرائی میں دفن کر رکھا تھا اور وہ اسے ہماری پہنچ سے دور رکھنا چاہتے تھے لیکن امریکا نے جدید صلاحیت کا مظاہرہ کرتے ہوئے ان مقامات کو نشانہ بنایا۔
