واشنگٹن: شنگھائی تعاون تنظیم (ایس سی او) کے سربراہان حکومت کے حالیہ اجلاس کے دوران پاکستان اور بھارت کے درمیان کچھ مثبت پیشرفت کے بعد، امریکی محکمہ خارجہ نے کہا ہے کہ یہ دونوں ممالک پر منحصر ہے کہ وہ باہمی مذاکرات کا دائرہ اور کردار خود طے کریں۔
محکمہ خارجہ کے ترجمان میتھیو ملر نے اسلام آباد میں ہونے والے اس بڑے سفارتی ایونٹ پر گفتگو کرتے ہوئے کہا کہ ہماری دونوں ممالک کے ساتھ دوطرفہ تعلقات ہیں، اور امریکا ان تعلقات کو قدر کی نگاہ سے دیکھتا ہے۔
انہوں نے بھارت کے وزیر خارجہ ڈاکٹر سبرامنیم جے شنکر کی پاکستانی رہنماؤں کے ساتھ ملاقات کا ذکر کرتے ہوئے کہا کہ اب دونوں ممالک کو اپنے تعلقات کے حوالے سے مذاکرات کے ممکنہ دائرہ کار کا فیصلہ کرنا چاہیے۔
یہ اجلاس پاکستان اور بھارت کے درمیان روایتی تنازعات میں کمی کا ایک نیا موقع فراہم کرتا ہے، جس میں رکن ممالک کے اعلیٰ رہنماؤں نے وفاقی دارالحکومت میں شرکت کی۔
