ریاض(اسپورٹس ڈیسک )سعودی ولی عہد شہزادہ محمد بن سلمان نے کہا ہے کہ ہم خواب نہیں دیکھ رہے، ہم ایک حقیقت کے بارے میں سوچ رہے ہیں جو سچ ہوگی۔فٹ بال ورلڈ کپ 2034 کی میزبانی سعودی عرب کو ملنے پر ردعمل دیتے ہوئے سعودی ولی عہد شہزادہ محمد بن سلمان نے دنیا بھر میں فٹبال کے کھیل کو فروغ دینے، محبت، امن اور رواداری کے پیغامات کو پھیلانے کے لیے سعودی عرب کے عزم پر بھی زور دیا۔ یاد رہے کہ فٹبال کی عالمی تنظیم فیفا نے کونسل اجلاس میں فٹبال ورلڈ کپ 2034 کی میزبانی سعودی عرب کو ملنے کی تصدیق کی ہے۔
