لاہور میں چوروں نے سعودی عرب سے آنے والے شہری کے گھر کا صفایا کردیا۔
پولیس کے مطابق لاہور کے علاقے مناواں کا رہائشی عتیق الرحمان چند روز قبل سعودی عرب سے واپس آیا تھا۔ عتیق الرحمان کی درخواست پر نامعلوم چوروں کے خلاف مقدمہ درج کرلیا گیا۔
ایف آئی آر کے مطابق عتیق الرحمان فیملی کے ساتھ رشتے داروں کے گھر سیالکوٹ دعوت پر گئے ہوئے تھے۔ ان کی غیر موجودگی میں چورگھر سے 50 تولے سونا، راڈو گھڑیاں، قیمتی موبائل فونز اور نقدی چرا کر لے گئے۔ چوروں نے مجموعی طور پر گھر کی الماریوں کے تالے توڑ کر 2 کروڑ 24 روپے کی نقدی ، طلائی زیورات اور دیگر سامان لوٹا۔
ایس پی کینٹ کا کہنا ہے کہ چوروں کا سراغ لگانے کے لیے ٹیمیں تشکیل دے دی گئی ہیں۔
