کراچی:
پاکستانی ڈرامہ انڈسٹری کی اداکارہ نے اپنی عمر اور کامیابیوں کا دیگر سے موازنہ کیا ہے۔
متعدد پاکستانی ڈراموں میں اپنی جاندار اداکاری کی وجہ سے انڈسٹری میں نام بنانے اور مداحوں کے دلوں کی دھڑکن بننے والی اداکارہ سحر خان نے انسٹاگرام پر ایک پوسٹ کی۔
انہوں نے اپنی پوسٹ میں خود کا مزاحیہ انداز سے دیگر سے موازنہ کرتے ہوئے لکھا کہ ’میری عمر کے لوگوں کی شادیاں ہورہی ہیں اور میں موبائل فون کی میموری میں جگہ بنانے کی جدوجہد کررہی ہوں کہ کون سی تصویر یا ایپلیکشن کو ڈیلیٹ کروں‘۔
اُن کی اس اسٹوری پر مداحوں کا ملا جلا ردعمل سامنے آیا اور متعدد نے انہیں موبائل فون تبدیل کرنے کا مشورہ دیا۔ کچھ تو ایسے بھی تھے جنہوں نے اداکارہ سے کہا کہ وہ اپنے لیپ ٹاپ میں تصاویر محفوظ کرلیں۔
ان میں سے کچھ صارفین ایسے تھے جنہوں نے کہا کہ ’آپ شادی کے بارے میں سوچنا شروع کریں تو پھر ہوجائے گی‘۔
