یومِ آزادی کے موقع پر جہاں عوام پاک سرزمین سے اپنی محبت کے جذبات کا اظہار کر رہے ہیں وہیں شوبز شخصیات بھی کسی سے پیچھے نہیں ہیں۔
شوبز شخصیات نے انسٹاگرام اور دیگر سوشل میڈیا پلیٹ فارمز پر سبز و سفید رنگوں میں ملبوس، ہاتھوں میں پرچم تھامے، اپنے وطن سے وفاداری اور بہتری کی امید کے پیغامات شیئر کیے ہیں۔
شوبز ستارے پاکستان کے بہتر مستقبل کی خواہش کا اظہار کرتے ہوئے شہداء کو خراجِ عقیدت پیش کرتے دکھائی دیے۔
کچھ اداکاروں نے اپنی تصاویر کے ساتھ قوم کو اتحاد، ایثار اور جدوجہد کا پیغام دیا۔
موسیقاروں اور گلوکاروں نے حب الوطنی کے گیت شیئر کیے، جو سوشل میڈیا پر وائرل ہو گئے۔
کئی فنکاروں نے اپنے ویڈیوز میں اس بات پر زور دیا کہ آزادی محض آتش بازی یا نغموں کا دن نہیں، بلکہ یہ دن ہمیں اپنی ذمہ داریوں کی یاد دہانی کراتا ہے۔
شوبز فنکاروں نے اس عزم کا بھی اظہار کیا کہ ہمیں ایک ایسا پاکستان بنانے کی جدوجہد کرنی ہے جس میں انصاف، مساوات، اور امن ہو۔
