اسٹیٹ بینک آف پاکستان نے الیکٹرک موٹرسائیکلیں، رکشے اور لوڈر فراہم کرنے کے لیے نئی اسکیم متعارف کرا دی ہے۔۔
اسکیم کے تحت مجموعی طور پر1 لاکھ 16 ہزار ای بائیکس، 3170 ای رکشے اور لوڈرز فراہم کیے جائیں گے، جو دو مرحلوں میں تقسیم ہوں گے۔ پہلے مرحلے میں 40 ہزار ای بائیکس اور ایک ہزار ای رکشے و لوڈرز جبکہ دوسرے مرحلے میں 76 ہزار ای بائیکس اور 2170 رکشے و لوڈرز شامل ہیں۔
اسٹیٹ بینک کے مطابق ای بائیکس کے لیے*2 لاکھ روپے اور ای رکشے و لوڈرز کے لئے*8 لاکھ 80 ہزار روپے تک قرض فراہم کیا جائے گا۔ ای بائیکس کے لیے قرض کی مدت 2 سال اور ای رکشوں کے لیے 3 سال ہوگی۔ یہ قرض صارفین کو صفر فیصد مارک اپ پر ملے گا، جبکہ بینکوں کو کائیبور پلس 2.75 فیصد پر فنڈنگ فراہم کی جائے گی۔
مزید بتایا گیا کہ اسکیم کے تحت 25 فیصد ای بائیکس خواتین کو، 10 فیصد کاروباری افراد اور کوریئرز کو جبکہ 30 فیصد رکشے اور لوڈرز فلیٹ آپریٹرز کو دیے جائیں گے
