خبر ایجنسی کے مطابق امریکا میں گرین لینڈ کی ممکنہ خریداری سے متعلق ایک نیا منصوبہ سامنے آیا ہے، جس کے تحت وہاں کی 57 ہزار آبادی کو براہ راست 10 ہزار سے ایک لاکھ ڈالر تک ادائیگی پر غور کیا جا رہا ہے۔
خبر ایجنسی نے امریکی صدر کے معاونین اور حکام کے حوالے سے بتایا ہے کہ اس منصوبے کا مقصد گرین لینڈ کے شہریوں کو ڈنمارک سے علیحدگی پر آمادہ کرنا اور امریکا میں شامل ہونے کے لیے قائل کرنا ہے۔
دوسری جانب گرین لینڈ سے متعلق امریکی عزائم پر برطانیہ اور یورپی ممالک نے شدید ردعمل کا اظہار کیا ہے۔ ڈنمارک کی وزیراعظم نے بھی امریکی صدر سے مطالبہ کیا ہے کہ گرین لینڈ پر قبضے سے متعلق بیانات اور دھمکیاں بند کی جائیں۔
واضح رہے کہ سابق امریکی صدر ڈونلڈ ٹرمپ نے گزشتہ ماہ کہا تھا کہ امریکا کو گرین لینڈ معدنیات کے لیے نہیں بلکہ دفاعی مقاصد کے لیے درکار ہے۔
