امریکا میں امیگریشن اینڈ کسٹمز انفورسمنٹ (ICE) حکام کی جانب سے فائرنگ کا ایک اور واقعہ پیش آیا ہے، جس میں ریاست اوریگن کے شہر پورٹ لینڈ میں ایک خاتون اور مرد گولی لگنے سے زخمی ہوگئے۔
امریکی میڈیا کے مطابق دونوں افراد کو زخمی حالت میں اسپتال منتقل کر دیا گیا ہے۔
محکمہ ہوم لینڈ سکیورٹی کا کہنا ہے کہ واقعہ اس وقت پیش آیا جب بارڈر پیٹرول کے اہلکار ایک گاڑی کی تلاشی لے رہے تھے۔ حکام کے مطابق اس دوران ملزمان نے گاڑی کو بطور ہتھیار استعمال کرتے ہوئے اہلکاروں کو کچلنے کی کوشش کی، جس پر ایک اہلکار نے اپنے دفاع میں فائرنگ کی۔
ادھر یاد رہے کہ گزشتہ روز ریاست منی سوٹا میں بھی امیگریشن اینڈ کسٹمز انفورسمنٹ کے اہلکاروں نے چھاپے کے دوران ایک خاتون کو سر پر گولی مار کر ہلاک کر دیا تھا۔ ان واقعات کے بعد امیگریشن کارروائیوں میں طاقت کے استعمال پر امریکا میں ایک بار پھر سوالات اٹھنے لگے ہیں۔
