الیکشن کمیشن پاکستان نے بلوچستان کی قومی اسمبلی کی نشست این اے 256 خضدار پر ضمنی انتخاب کے انعقاد کا شیڈول جاری کر دیا ہے۔ یہ نشست بلوچستان نیشنل پارٹی مینگل کے سربراہ سردار اختر مینگل کے استعفے کے باعث خالی ہوئی تھی۔
جاری کردہ شیڈول کے مطابق حلقہ این اے 256 خضدار میں پولنگ 5 اپریل کو ہوگی، جبکہ امیدوار 20 فروری سے 24 فروری تک اپنے کاغذات نامزدگی جمع کرا سکیں گے۔
یاد رہے کہ سردار اختر مینگل نے ستمبر 2024 میں قومی اسمبلی کی رکنیت سے استعفیٰ دیا تھا، جسے اسپیکر قومی اسمبلی نے بدھ 11 فروری کو منظور کر لیا تھا، جس کے بعد یہ نشست خالی قرار دی گئی اور ضمنی انتخاب کا عمل شروع کیا گیا۔
