ایران پر اسرائیل اور امریکا کی جنگ کے نتیجے میں دنیا کی 20 بڑی ائیرلائنز کو تقریباً 53 ارب ڈالر کا نقصان اٹھانا پڑا ہے۔
غیر ملکی خبر ایجنسی کے مطابق اس جنگ کے باعث خلیجی ممالک کے ہوائی اڈے اور پروازیں شدید متاثر ہوئی ہیں۔
برطانوی اخبار کی رپورٹ کے مطابق ائیرلائن انڈسٹری کورونا وبا کے بعد ایک بار پھر بڑے بحران کا شکار ہو گئی ہے، جبکہ جنگ کے باعث ایندھن کی ممکنہ قلت کا خدشہ بھی پیدا ہو گیا ہے۔
رپورٹ میں بتایا گیا ہے کہ جنگ کے بعد سے جیٹ فیول کی قیمت تقریباً دگنی ہو چکی ہے، جس کے باعث مستقبل میں ہوائی ٹکٹوں کی قیمتوں میں اضافے کا امکان بھی ظاہر کیا جا رہا ہے۔
