ابوظبی میں بیلسٹک میزائل کے ملبے کے گرنے کے باعث مزید دو افراد جان کی بازی ہار گئے۔
حکام کے مطابق امارات کے فضائی دفاعی نظام نے ایک بیلسٹک میزائل کو فضا ہی میں تباہ کر دیا تھا، تاہم اس کا ملبہ سویجان کے علاقے میں آ گرا۔ اس واقعے کے نتیجے میں دو افراد جاں بحق جبکہ تین دیگر زخمی ہو گئے۔
امدادی ٹیموں نے فوری طور پر موقع پر پہنچ کر زخمیوں کو طبی امداد فراہم کی اور قریبی اسپتال منتقل کیا۔ حکام کا کہنا ہے کہ ملبہ گرنے سے متعدد گاڑیوں کو بھی نقصان پہنچا ہے جبکہ مزید تحقیقات جاری ہیں۔
