ایران پر مسلط کردہ جنگ سپر پاور امریکا کے گلے کی ہڈی بن گئی، صدر ڈونلڈ ٹرمپ نے دفاعی بجٹ میں پندرہ سو ارب اضافے کا مطالبہ کر دیا۔
عالمی میڈیا رپورٹ کے مطابق صدر ڈونلڈ ٹرمپ نے دفاعی بجٹ میں پندرہ سو ارب اضافے کا مطالبہ کر دیا۔ ٹرمپ نے فوجی بجٹ میں تاریخی اضافے کی تجویز منظوری کے لیے کانگریس کو بھجوادی۔
ٹرمپ نے اپنی سالانہ بجٹ کی درخواست میں گزشتہ سال کے مقابلے میں فوجی اخراجات میں تقریباً 40 فیصد اضافہ کرنے کا مطالبہ کیا ہے جو کہ کل 1.5 ٹریلین ڈالر بنتے ہیں۔
ٹرمپ کی جانب سے اتحادی ملکوں پر بھی دفاعی بجٹ بڑھانے کے لیے دباؤ ڈالا جارہا ہے اس سے پہلے ترجمان وائٹ ہاؤس کیرولین لیویٹ بھی کہہ چکی ہیں کہ صدر ٹرمپ چاہتے ہیں عرب ملک جنگ کا خرچہ برداشت کریں۔
توقع ہے کہ بجٹ آنے والے ہفتوں میں کانگریس کے طویل مذاکرات کا موضوع ہوگا۔
1.5 ٹریلین ڈالر کی درخواست میں مالی سال 2026 کے مقابلے میں تقریباً 455 بلین ڈالر کا اضافہ شامل ہے۔ یہ 200 بلین ڈالر کی ہنگامی درخواست سے الگ ہے جس میں ٹرمپ انتظامیہ نے کانگریس سے ایران کے ساتھ امریکہ اسرائیل جنگ کی حمایت کی درخواست کی تھی، جو 28 فروری کو شروع ہوئی تھی۔
