پنجاب میں عیدالاضحیٰ کے موقع پر صفائی آپریشن کے لیے پہلی بار ڈرون ٹیکنالوجی استعمال کی جا رہی ہے۔
ستھرا پنجاب کے ترجمان کے مطابق عید کے پہلے اور دوسرے روز صوبے بھر سے ایک لاکھ 10 ہزار ٹن سے زائد آلائشیں اور دیگر باقیات ٹھکانے لگائی گئیں۔
ترجمان کا کہنا ہے کہ صرف لاہور سے 17 ہزار ٹن سے زائد آلائشیں اٹھائی گئیں۔
وزیر اطلاعات پنجاب عظمیٰ بخاری نے کہا کہ وزیراعلیٰ مریم نواز صفائی آپریشن کی خود نگرانی کر رہی ہیں اور مہم کامیابی سے جاری ہے۔ ان کے مطابق تمام شہروں اور دیہی علاقوں میں ستھرا پنجاب کی ٹیمیں مسلسل فیلڈ میں موجود ہیں۔
انہوں نے بتایا کہ ستھرا پنجاب کے ایک لاکھ 84 ہزار ورکرز صفائی آپریشن میں حصہ لے رہے ہیں، جبکہ آلائشیں اٹھانے کے بعد گلیوں، محلوں اور سڑکوں کو عرقِ گلاب سے دھویا جا رہا ہے۔
