فلپائن کے جزیرے منڈاناؤ کے قریب 7.8 شدت کے طاقتور زلزلے کے بعد سونامی کا انتباہ جاری کر دیا گیا ہے۔
زلزلہ مقامی وقت کے مطابق صبح تقریباً 7 بج کر 40 منٹ پر محسوس کیا گیا، جس کے بعد بحرالکاہل کے مختلف ساحلی علاقوں کے لیے خطرے کی وارننگ جاری کی گئی۔
فلپائن کے قریب سمندر میں آنے والے اس شدید زلزلے کے بعد ایشیا کے متعدد ممالک میں بھی سونامی کے خدشات پیدا ہو گئے ہیں، جبکہ انڈونیشیا کے شمال مشرقی ساحلی علاقوں کے لیے بھی انتباہ جاری کر دیا گیا ہے۔
سونامی وارننگ سینٹر کے مطابق فلپائن کے بعض ساحلی علاقوں میں تین میٹر تک بلند لہریں اٹھنے کا امکان ہے، جبکہ انڈونیشیا اور ملائیشیا کے کچھ علاقوں میں ایک میٹر تک بلند لہریں آ سکتی ہیں۔
ممکنہ خطرے کے پیشِ نظر متعلقہ حکام نے الرٹس جاری کرتے ہوئے ساحلی علاقوں کے رہائشیوں کو محفوظ مقامات پر منتقل ہونے کی ہدایت کی ہے۔
