نئی دہلی/مرکزی کابینہ نے منگل کے روز انٹیگریٹڈ ٹرانسپورٹ اینڈ لاجسٹکس اتھارٹی (ITLA)کے قیام کی تجویز کو منظوری دے دی۔ یہ اطلاع مرکزی وزیر اشونی ویشنو نے دی۔اشونی ویشنو کے مطابق، یہ اتھارٹی ملک میں مربوط ٹرانسپورٹ اور لاجسٹکس منصوبہ بندی، تحقیق، منصوبوں کی جانچ و منظوری، نگرانی، پالیسی معاونت اور ڈیٹا کے تجزیے کے لیے اعلیٰ ترین ادارے کے طور پر کام کرے گی۔
انہوں نے کہا کہ ITLAایک طویل مدتی ٹرانسپورٹ منصوبہ تیار کرے گی، جس میں سڑکیں، ریلوے، بندرگاہیں اور جہاز رانی، شہری ہوابازی، اندرونِ ملک آبی گزرگاہیں، ساحلی جہاز رانی، شہری نقل و حرکت اور لاجسٹکس کے شعبے شامل ہوں گے۔
