سری نگر/لداخ میں موٹر سائیکل حادثے میں زخمی ہونے والی 19 سالہ لڑکی ہفتے کے روز سری نگر کے ایک اسپتال میں زخموں کی تاب نہ لاتے ہوئے دم توڑ گئی۔ حادثے کے 55 روز بعد لڑکی کی موت واقع ہوئی۔
ذرائع کے مطابق لڑکی کو تشویشناک حالت میں 23 اگست کو ضلع اسپتال لیہہ سے سری نگر کے اسپتال منتقل کیا گیا تھا۔انہوں نے بتایا کہ لڑکی موٹر سائیکل پر پچھلی نشست پر سوار تھی کہ اسی دوران موٹر سائیکل سوار اپنا توازن کھو بیٹھا، جس کے نتیجے میں حادثہ پیش آیا۔
متوفی کی شناخت ریتا کماری دختر دلجیت، ساکن بہار کے طور پر کی گئی ہے۔حکام کے مطابق واقعے کے سلسلے میں مزید تحقیقات شروع کر دی گئی ہیں اور معاملے کا نوٹس لیا گیا ہے۔
