لندن (مانیٹرنگ ڈیسک) وکی لیکس ویب سائٹ کے بانی جولیان اسانج کی جیل میں خراب صحت پر کئی ڈاکٹروں نے تشویش کا اظہار کیا ہے۔ کم ازکم 60 ڈاکٹروں نے وکی لیکس کے بانی کی جیل میں خراب صحت کے تناظر میں ایک کھلا خط تحریر کیا ہے۔ اس خط میں ان کی صحت کو لاحق شدید خطرات کو بیان کیا گیا ہے۔ ڈاکٹروں نے تحریر کیا ہے کہ جیل میں اسانج کی صحت خراب سے خراب تر ہو رہی ہے اور یہ ان کی زندگی کے لیے خطرناک صورتحال ہے۔ اسانج کو ضمانتی شرائط کی خلاف ورزی پر لندن کی ایک عدالت نے 50 ہفتوں کی سزا سنائی تھی اور وہ یہی سزا کاٹ رہے ہیں۔