اسلام آباد: وزیراعظم عمران خان نے گزشتہ روز کراچی میں پیش آنے والے طیارے حادثے کی تحقیقات کا حکم دے دیا ہے۔
وزیراعظم عمران خان نے کراچی طیارہ حادثے کی فوری تحقیقات کاحکم دے دیا ہے اور حادثے کی تحقیقات کے لیے کمیٹی تشکیل دینے کی منظوری بھی دے دی۔
وزیراعظم نے اپنے تحریری حکم میں کہا ہے کہ تحقیقاتی کمیٹی فوری طورپرتحقیقاتی عمل کا آغاز کرے اور طیارہ حادثے کی تحقیقات کا آغاز بلا تاخیر کیا جائے۔
وزیراعظم آفس نے تحریری ہدایات سیکریٹری ایوی ایشن اورمتعلقہ اداروں کوبھجوا دیں جس میں کہا گیا ہے کہ تحقیقات کے لیے وفاقی حکومت کی باضابطہ منظوری کا انتظار نہ کیا جائے۔
