مقبوضہ بیت المقدس میں اسرائیلی پولیس نے فلسطینی شخص کو گولیاں مار کر شہید کردیا۔
فلسطینی نیوز ایجنسی وفا کے مطابق اسرائیلی پولیس نے مسجد اقصیٰ کے قریب ‘لائنس گیٹ’ کے باہر 32 سالہ شخص کو مشتبہ قرار دے کر اسے گولیاں مار دیں۔
پولیس کا کہنا ہے کہ حملہ آور ہونے کے شبہ میں فلسطینی شخص کو اس وقت گولی مار گئی جب وہ ان کے پاس سے تیزی سے گزرا اور روکنے کے باوجود فرار ہونے لگا۔
پولیس نے دعویٰ کیا کہ فلسطینی شخص کے ہاتھ میں پستول نما کوئی ہتھیار تھا لیکن یہ دعویٰ سراسر جھوٹا ثابت ہوا اور مقتول سے کوئی اسلحہ یا تیز دھار آلہ برآمد نہیں ہوا۔
نیوز ایجنسی کا کہنا ہے کہ شہید کی شناخت 32 سالہ لید خیری کے نام سے ہوئی ہے جو مشرقی بیت المقدس کے واد الجوز کا رہائشی ہے اور خصوصی ضرورت افراد کے لیے بنائے گئے ادارے میں کام کرتا تھا اور اسی علاقے میں پولیس نے شہید کر دیا۔
گولیاں مارنے کے بعد اسرائیلی پولیس شہید کے گھر بھی گئی اور اہل خانہ سے پوچھ گچھ کی، گھر کی تلاشی لی تاہم کوئی مشتبہ شے برآمد نہیں ہوئی۔