کراچی: سندھ حکومت نے کورونا وائرس کی وبا سے نمٹنے کے لیے صوبے میں نئے اسپتال، بائیو سیفٹی لیبز اور میڈیکل کالج قائم کرنے کا فیصلہ کیا ہے۔
ذرائع کے مطابق سندھ حکومت نے صوبے میں 7 مزید بائیو سیفٹی لیبز کے قیام کا فیصلہ کیا ہے۔ سول اسپتال کراچی، اوجھا کیمپس اور حیدرآباد میں بائیو سیفٹی لیبز قائم کی جائیں گی۔
جب کہ لاڑکانہ، سکھر، خیرپور اور بینظیرآباد میں بھی لیبز کا قیام عمل میں لایا جائے گا۔
بائیو سیفٹی لیبز کے قیام کے لیے سندھ حکومت نے 245 ملین روپے کا بجٹ مختص کیا ہے۔
سندھ حکومت نے لاڑکانہ میں 500 بستروں پر مشتمل ملٹی ڈسپلنری اسپتال، سکھر میں 200 بستروں پر مشتمل اسپتال جب کہ میرپورخاص اور لاڑکانہ میں بھی اسپتال قائم کیے جائیں گے۔
وزیراعلیٰ سندھ مراد علی شاہ کے آبائی حلقے سیہون میں میڈیکل کالج قائم کیا جائے گا۔