تاجروں نے حکومت سے کل اور پرسوں کاروبار کھولنے کی اجازت دینے کا مطالبہ کردیا۔ نجی ٹی وی کی رپورٹ کے مطابق صدر آل پاکستان انجمن تاجران اجمل بلوچ کا کہنا ہے کہ حکومت کل اور پرسوں کاروبار کھولنے کی اجازت دے۔ اجمل بلوچ نے کہا کہ آئندہ جمعہ سے اتوار عید کی چھٹیاں ہیں، اس لیے کل اور پرسوں کاروبار کی اجازت دی جائے۔
تفصیلات کے مطابق انہوں نے مزید کہا کہ موجودہ دنوں میں رش کو قابو کرنے کا واحد حل زیادہ وقت دکانیں کھولنا ہے۔ صدر آل پاکستان انجمن تاجران نے کہا کہ عجیب منطق ہے 50 لوگ بس میں بیٹھ کر سفر کرلیں لیکن دکان میں 4 لوگ کھڑے نا ہوں۔