مقبوضہ بیت المقدس (انٹرنیشنل ڈیسک) اسرائیل میں متعین امریکی سفیر ڈیوڈ فریڈمین نے مسجد اقصیٰ کی تاریخی دیوار براق میں داخل ہو کر مذہبی تعلیمات کے مطابق رسومات ادا کیں۔ عبرانی ٹی وی چینل 7 کی رپورٹ میں کہا گیا کہ فریڈمین نے یہودکے مذہبی تہوار کی تقریبات میں شرکت کی اور دیوار براق میں داخل ہوکر رسومات ادا کیں۔ ادھر فریڈمین کا کہنا تھا کہ مجھے آج دیوار براق میں عبادت کا موقع ملا،جس پر میں بہت خوش ہوں۔ واضح رہے کہ فریڈمین فلسطین میں یہودی پروگرام اور صہیونی ریاست کے توسیع پسندانہ ہتھکنڈوں کے پُر زور حامی ہیں۔