انقرہ (انٹرنیشنل ڈیسک) تُرکی کے جہاز فاتح نے بحیرئہ اسود میں گیس کی تلاش کے لیے کھدائی کا آغاز کردیا۔ وزیر توانائی وقدرتی وسائل فاتح دونمیز کا کہنا تھا کہ جہاز نے ترکالی1 کنویں میں کھدائی شروع کر دی ہے۔ انہوں نے اپنی ٹوئٹ میں لکھا کہ فاتح جہاز نے کھدائی شروع کر دی ہے، جو 75 دن تک جاری رہے گی۔ واضح رہے کہ ترکی کے پہلے مقامی ساختہ تحقیقی جہاز فاتح نے 19اکتوبر کو بحیرہ اسود میں گیس کی تلاش کے بعد ضلع زونگولداق کے کھلے سمندر میں کام شروع کیا تھا۔