برلن (انٹرنیشنل ڈیسک) جرمن پولیس نے کچرے کے ڈھیر سے 2لاکھ 80ہزار یورو کی پینٹنگ برآمد کرلی۔ فرانسیسی مصور یوس ٹینگائے کی قیمتی پینٹنگ کاروباری شخص سے ڈسلڈورف ائر پورٹ پر گم ہوگئی تھی۔ وہ بین الاقوامی ہوائی اڈے کے کاؤنٹر سے تصویر وصول کرنا بھول گیا تھا۔ طیارے میں سوار ہونے کے بعد اس نے مغربی جرمنی کے شہر ڈسلڈورف کی پولیس سے رجوع کیا، جس کے بعد پولیس نے ائر پورٹ انتظامیہ کے ساتھ کوڑے دانوں کی تلاشی تو مطلوبہ پینٹنگ برآمد ہوئی۔ پولیس ترجمان نے واقعے کو سال کا اہم ترین کیس قرار دے دیا۔