ابوظہبی نے سعودی عرب سمیت 13 ممالک سے آنے والے سیاحوں کے لیے لازمی آئیسولیشن کی شرط ختم کر دی۔
عرب میڈیا کے مطابق ابوظہبی نے کورونا ایس او پیز کے ساتھ ایسے 13 ممالک کے شہریوں کو قرنطینہ سے استثنیٰ قرار دیا ہے جہاں کورونا کے کیسز کم ہیں۔
ان ممالک میں سعودی عرب، فن لینڈ، آئرلینڈ، آئس لینڈ، چین، سنگاپور، برونائی، جنوبی کوریا، ناروے، جاپان، ملائیشیا، نیوزی لینڈ اور آسٹریلیا شامل ہیں۔
مذکورہ ممالک سے آنے والے سیاحوں پر ابوظہبی میں آئیسولیشن کی پابندی کا اطلاق نہیں ہوگا البتہ دیگر ممالک سے آنے والے سیاحوں کے لیے لازمی قرنطینہ کی شرط برقرار رہے گی۔
آئیسولیشن فری ممالک کی فہرست میں اضافے کا امکان ہے اور حکام جائزہ لینے کے بعد مستثنیٰ ممالک کے ناموں کا اعلان کریں گے۔