عدن (انٹرنیشنل ڈیسک) یمن میں نئی حکومت کے وزرا نے عبوری دارالحکومت عدن میں باضابطہ طور پر اپنی ذمے داریاں سنبھال لیں۔ خبر رساں اداروں کے مطابق وزیر خارجہ، وزیر خزانہ، وزیر توانائی و بجلی، وزیر سماجی بہبود و محنت، وزیر داخلہ، وزیر اطلاعات و ثقافت، وزیر ِ قانون، وزیر منصوبہ بندی و بین الاقوامی امور سمیت دیگر وزرا نے عدن میں اجلاس منعقد کیا۔ اس سے قبل ایوان صدر نے18 دسمبر کووزیر اعظم معین عبدل الملک کی قیادت میں 24 وزرا کے ناموں کا اعلان کیا تھا۔