میہڑ (نمائندہ جسارت) ام رباب چانڈیو کی جانب سے بیٹو جتوئی میں ایک ماہ قبل ڈکیتی کے دوران مزاحمت پر مسلح افراد کے ہاتھوں قتل ہوئے ماجد سومرو کے لواحقین سے تعزیت کی۔ ام رباب چانڈیو کی جانب سے ماجد سومرو کے قاتلوں کی عدم گرفتاری پر افسوس کا اظہار کیا۔ انہوں نے کہا کہ میہڑ میں بڑھتی ہوئی بے امنی کی ذمے دار سندھ حکومت ہے۔ تاجر ماجد سومرو کے قاتل گرفتار نہیں ہوئے، میہڑ میں بڑھتی ہوئی بے امنی کیخلاف اقدامات نہیں کیے تو انڈس ہائی وے پر دھرنا دیں گے۔ سندھ حکومت مکمل طور پر ناکام ہوچکی ہے، بے امنی کی ذمے دار سندھ حکومت ہے۔ اس موقع پر چچا پرویز چانڈیو، عامر مہیسر اور مہران چانڈیو بھی ساتھ تھے۔