رباط (انٹرنیشنل ڈیسک) امریکی وزارت خارجہ کے معاون خصوصی برائے مشرق وسطیٰ و شمالی افریقا ڈیوڈ شنکر مغربی صحارا کا دورہ کرنے والے پہلے امریکی عہدے داربن گئے۔ مراکشی ہم منصب کے ہمراہ رباط میں مشترکہ پریس کانفرنس سے خطاب میں امریکی ایلچی نے کہا کہ امریکا اور مراکش کے تعلقات مضبوط اور مستحکم ہیں۔ خطے میں امن و استحکام کے حوالے سے مراکش امریکا کا تزویراتی اتحادی ہے۔ واضح رہے کہ اس سے قبل امریکی صدر ڈونلڈ ٹرمپ نے مغربی صحارا پر مراکش کی خود مختاری تسلیم کرنے کا اعلان کیا تھا۔ رباط میں امریکی سفارت خانہ نے ڈیوڈ شنکر کے مغربی صحارا کے دورے کو تاریخی قرار دیا۔