پاکستان سپر لیگ (پی ایس ایل) 2021 کے اہم میچ میں پشاور زلمی نے بلے بازوں کے خراب کھیل کی بدولت ملتان سلطانز کو ایونٹ کا بڑا اسکور ترتیب دینے کے باوجود 6 وکٹوں سے باآسانی شکست دے دی۔
قبل ازیں پاکستان سپر لیگ (پی ایس ایل) 2021 کے چھٹے میچ میں ملتان سلطانز نے پشاور زلمی کے خلاف جیمز وینس کی دلکش اننگز سمیت دیگر بلے بازوں کی شان دار کارکردگی کے باعث 4 وکٹوں پر رواں سیزن کا سب سے بڑا اسکور 193 رنز بنا لیا۔
نیشنل کرکٹ اسٹیڈیم کراچی میں کھیلے گئے میچ میں پشاور زلمی کے کپتان وہاب ریاض نے ٹاس جیت کر ملتان سلطانز کو پہلے بیٹنگ کی دعوت دی۔
ملتان سلطانز نے بیٹنگ شروع کی تو پشاور زلمی کے محمد عمران کے پہلے اوور میں 6 رنز بنائے، جس کے بعد محمد عرفان باؤلنگ کے لیے آئے اور کرس لین کو حیدر علی کے ہاتھوں سلپ پر کیچ کروا دیا۔
محمد عرفان نے دوسرے اوور کی پہلی گیند پر کرس لین کی وکٹ حاصل کی۔
Burj ul Irfan strikes on the very first ball of his @PeshawarZalmi debut!
Dream start for the speedster.#HBLPSL6 | #MatchDikhao | #PZvMS pic.twitter.com/yYjS2Bcm1K
— PakistanSuperLeague (@thePSLt20) February 23, 2021
محمد رضوان اور جیمز وینس نے اسکور آگے بڑھایا اور ساتویں اوور کی تیسری گیند پر ٹیم کی نصف سنچری مکمل کی۔
An early wicket didn’t hold back @MultanSultans too much as @vincey14 and @iMRizwanPak kept the runs flowing steadily.
Watch highlights of the powerplay overs here.#HBLPSL6 | #MatchDikhao | #PZvMS pic.twitter.com/j2EXjCs7R3
— PakistanSuperLeague (@thePSLt20) February 23, 2021
ملتان سلطانز کے کپتان اور جیمز وینس نے شراکت میں 56 گیندوں پر 82 رنز بنائے اور رضوان وقفے کے بعد عمران جونیئر کی پہلی گیند پر امام الحق کو کیچ دے بیٹھے۔
How is that shot real? 😥 😥@iMRizwanPak with another gem of an innings.#HBLPSL6 | #MatchDikhao | #PZvMS pic.twitter.com/UDFvM8gflR
— PakistanSuperLeague (@thePSLt20) February 23, 2021
جیمز وینس نے کپتان کے آؤٹ ہونے کے بعد صہیب مقصود کے ساتھ مل کر اننگز آگے بڑھائی اور 39 گیندوں پر نصف سنچری مکمل کی، جو پی ایس ایل میں ان کی مجموعی طور پر تیسری نصف سنچری ہے.
Did it land in Multan? @sohaibcricketer warming up! #MatchDikhao l #HBLPSL6 I #PZvMS pic.twitter.com/lRiThPtNoa
— PakistanSuperLeague (@thePSLt20) February 23, 2021
صہیب مقصود 36 رنز بنا کر آؤٹ ہوئے جبکہ جیمز وینس نے چوکوں اور چھکوں کی برسات جاری رکھی اور 56 گیندوں پر 84 رنز بنا کر آؤٹ ہوئے، جس میں 9 چوکے اور 3 چھکے شامل تھے جبکہ ٹیم کا اسکور 3 وکٹوں پر 19ویں اوور میں 186 رنز تھا۔
ملتان سلطانز نے مقررہ اوورز میں 193 رنز بنائے جو پی ایس ایل کے رواں سیزن کا اب تک کا سب سے بڑا اسکور تھا۔
رلی روسو 14 اور خوشدل شاہ نے 6 رنز بنائے۔
پشاور زلمی کی جانب سے ثاقب محمود نے 2 وکٹیں لیں۔
مشکل ہدف کے تعاقب میں امام الحق اور کامران اکمل نے محتاط بیٹنگ شروع کی اور ابتدائی دو اوورز میں 12 رنز بنائے تاہم یہ سلسلہ کامران اکمل کی جارحانہ بیٹنگ نے توڑ دیا جنہوں نے شاہد آفریدی سمیت دیگر باؤلرز کے خلاف چوکے اور چھکے مارے۔
How do you spell legend?
K-A-M-R-A-N #MatchDikhao l #HBLPSL6 I #PZvMS pic.twitter.com/HwmLdBEymW— PakistanSuperLeague (@thePSLt20) February 23, 2021
سلطانز کے لیگ اسپنر عثمان قادر نے بہترین گیند کی اور کامران اکمل کی اننگز کو 37 رنز تک محدود کردیا، اس مرتبہ عثمان قادر نے پاکستان کے مشہور امپائر علیم ڈار کے فیصلے کو غلط ثابت کیا۔
علیم ڈار کے فیصلے کے خلاف محمد رضوان نے اپیل کی اور تھرڈ امپائر نے کامران اکمل کو ایل بی ڈبلیو قرار دے دیا۔
Chihk deti game meri googly….@Qadircricketer shows off his skills with a beauty to get rid of danger man @KamiAkmal23 #HBLPSL6 | #MatchDikhao | #PZvMS pic.twitter.com/UWjD9GlThB
— PakistanSuperLeague (@thePSLt20) February 23, 2021
اپنا پہلا میچ کھیلنے والے نئے بلے باز ٹام کوہلر نے امام الحق کے ساتھ مل کر کامران اکمل کی رفتار کو جاری رکھا اور ٹیم کا اسکور 134 رنز تک پہنچایا، اس موقع پر امام الحق 48 رنز بنا کر رن آؤٹ ہوگئے۔
ملتان کے شاہنواز دھنی نے 15 رنز پر کھیلنے والے روتھرفورڈ کو آؤٹ کیا، جس کے بعد کوہلر نے اپنی نصف سنچری مکمل کی لیکن دھنی کی گیند کا نشانہ بنے۔
حیدر علی اور تجربہ کار شعیب ملک نے ذمہ دارانہ کھیل کا مظاہرہ کرتے ہوئے اسکور کو آگے بڑھایا اور 19ویں اوور میں ہی 197 رنز بنا کر ٹیم کو ایک اوور قبل ہی فتح دلا دی۔
نوجوان بلے باز نے 2 چوکوں اور 2 چھکوں کی مدد سے ناقابل شکست 24 رنز بنا کر ٹیم کی جیت یقینی بنائی۔
کوہلر کیڈمور کو شان دار بلے بازی پر میچ کا بہترین کھلاڑی قرار دیا گیا۔
خیال رہے کہ دونوں ٹیمیں اپنے ابتدائی میچ میں ناکامی سے دو چار ہوئی تھیں۔
دونوں ٹیموں نے اہم میچ کے لیے 2،2 تبدیلیاں کیں، زلمی نے گزشتہ میچ میں نصف سنچری بنانے والے روی بوپارا کو بھی شامل نہیں کیا جبکہ سلطانز نے عثمان دار اور شاہنواز دھنی کو اپنی صلاحیتیں دکھانے کا موقع فراہم کیا۔
پشاور زلمی کو لاہور قلندرز نے 4 وکٹوں سے شکست دی تھی، جہاں باؤلنگ کے شعبے میں بہتر کارکردگی دکھائی گئی تھی جبکہ بیٹنگ روی بوپارا کی نصف سنچری کے باوجود بڑا مجموعی ترتیب دینے میں ناکام رہی تھی۔
دوسری جانب ملتان کی ٹیم نے کپتان محمد رضوان کی شان دار بیٹنگ کی مدد سے اسکور بورڈ پر 150 کا مجموعہ سجایا تھا لیکن اسلام آباد یونائیٹڈ نے 7 وکٹوں کے نقصان پر اس ہدف کو حاصل کیا تھا۔
میچ کے لیے دونوں ٹیمیں ان کھلاڑیوں پر مشتمل تھیں:
پشاور زلمی: وہاب ریاض (کپتان)، کامران اکمل، امام الحق، حیدرعلی، شعیب ملک، ٹام کوہلرکیڈمور، شرفین روتھر فورڈ، مجیب الرحمٰن، ثاقب محمود، محمد عمران، محمد عرفان
ملتان سلطانز: محمد رضوان (کپتان)، کرس لین، جیمز وینس، صہیب مقصود، رلی روسو، خوشدل شاہ، شاہد آفریدی، کارلوس بریتھویٹ، سہیل تنویر، عثمان دار، شاہنواز دھنی
منبع: ڈان نیوز