مشیرقانون سندھ مرتضیٰ وہاب کےسندھ ہائیکورٹ کے جج سےمتعلق بیان پرپاکستان بار کونسل نے مذمت کر دی۔
پاکستان بار کونسل کی جانب سے جاری اعلامیہ کے مطابق مرتضیٰ وہاب نےسندھ ہائیکورٹ کےمعزز جج جسٹس آفتاب احمد کےلیےتوہین آمیز بیان دیا،عدلیہ کی تاریخ میں پہلے بار عدالتی فیصلے پر ایسے بیان بازی کی گئی۔
اعلامیہ میں کہا گیا ہے کہ پاکستان بار کونسل مشیرقانون سندھ مرتضیٰ وہاب کے بیان کی شدید مذمت کرتا ہے ہائیکورٹ کےفیصلے پراعتراض کی صورت میں متعلقہ فورم سے رجوع کیاجا سکتا ہے۔
اعلامیہ کے مطابق ایک پبلک آفس ہولڈر کوعدلیہ سےمتعلق سیاسی بیان بازی سے گریز کرنا چاہیے۔
واضح رہے کہ مرتضیٰ وہاب نےآوارہ کتوں کےکاٹنےکے واقعات سےمتعلق سندھ ہائیکورٹ کےفیصلےپراظہار خیال کیاتھا۔