اوٹاوا: کینیڈا نے افغان طالبان کو تسلیم کرنے سے انکار کر دیا ہے۔
کینیڈین وزیراعظم جسٹن ٹروڈو نے اپنے ایک بیان میں کہا ہے کہ طالبان نے افغانستان میں منتخب جمہوری حکومت کو طاقت کے زور سے ہٹایا، یہ گروپ کینیڈا کے قانون کے تحت ایک تسلیم شدہ دہشت گرد تنظیم ہے۔
جسٹن ٹروڈو نے کہا کہ افغانستان کی طالبان حکومت کو تسلیم کرنے کا کوئی منصوبہ نہیں، کینیڈا نے طالبان کو اس وقت بھی تسلیم نہیں کیا تھا جب وہ 20 سال قبل افغانستان پر قابض تھے۔