اسلام آباد: وزیراعظم عمران خآن نے شوکت ترین کو اپنا مشیر برائے خزانہ و ریونیو مقرر کردیا ہے۔
تفصیلات کے مطابق شوکت ترین کی قومی اسمبلی و سینیٹ کا رکن منتخب ہوئے بغیر وفاقی وزیر بنائے جانے کی مدت ہفتے کے روز ختم ہوگئی تھی، جس کے بعد انہیں مشیر خزانہ مقرر کیا گیا ہے، شوکت ترین کو وفاقی وزیر کا درجہ دے دیا گیا ہے، تعیناتی کے حوالے سے کابینہ ڈویژن نے نوٹیفکیشن بھی جاری کردیا ہے۔
وزیراعظم عمران خان کے مشورے پر صدر مملکت عارف علوی نے شوکت ترین کی بطور مشیر خزانہ تعیناتی کی منثوری دی ہے۔