واشنگٹن (انٹرنیشنل ڈیسک) امریکی فوج نے ایک ڈرون حملے میں القاعدہ کے ایک سینئر رہنما کو ہلاک کرنے کا دعویٰ کردیا۔ خبررساں اداروں کے مطابق امریکی فوجی کمان سینٹ کوم نے کہا کہ یہ ڈرون حملہ شام میں کیا گیا تھا اور اس میں ڈرون استعمال ہوا۔ ہلاک ہونے والے القاعدہ کے رکن کا نام عبدالحمید مطر ہے۔ فوج نے اپنے بیان میں یہ بھی کہا کہ القاعدہ اب بھی امریکا، اس کے اتحادیوں اور ان کے مشترکہ مفادات کے لیے خطرہ ہے اور یہ نیٹ ورک اب بھی شامی سرزمین استعمال کر رہا ہے۔